ترکی - مصطفی قلیزاده علیار

مصطفی قلیزاده علیار

دانشمند می تواند هنگامی که از چیزی که نمی داند پرسیده شود، بگوید : «خدا داناتر است» و برای غیر دانشمند این حقّ نیست . [امام صادق علیه السلام]

صفحه نخست

پیام رسان

پست الکترونیک

اوقات شرعی

لوگوی وبلاگ

دسته بندی موضوعی یادداشتها

شعر ، دنیز ، آذربایجان ، ارومیه ، علیار ، قلیزاده ، مصطفی ، غربی ، امام ، ترکی ، علی ، ترکی ، شاعر ، دنیزنیوز ، حوزه ، هنری ، حسین ، اسلامی ، حمیدی ، غزل ، محمد ، حاج ، ایران ، فارسی ، باکو ، قرآن ، کتاب ، نشریه ، اسلام ، تبریز ، طنز ، کتاب ، عاشیق ، شهریار ، اکبر ، انقلاب ، مصطفی قلیزاده علیار ، نخجوان ، شهید ، سایت ، سید ، باکو ، اهل بیت ، ابراهیم ، سفر ، دریاچه ، فخری ، ادبیات ، تصویر ، خمینی ، دفاع ، رضا ، پیغمبر ، جمعه ، اسرائیل ، مقدس ، نامه ، مهدی ، حوزه هنری ، حمید ، صادق ، فاطمه ، پیامبر ، بهرام ، اکبر ، اهر ، فاطمه زهرا ، نارداران ، مقاله ، عاشورا ، عکس ، زهرا ، ترکیه ، کربلا ، همایش ، واقف ، ترکیه ، بسیج ، بیت ، جمهوری ، اهل ، انتظار ، امام علی ، ادبی ، در ، عراق ، صابر ، شهر ، شامی ، خامنه ای ، خدا ، دوستی ، زن ، سعید ، اسدی ، آیت الله ، امام حسین ، هنرمندان ، ورزقان ، هفته ، مردم ، موسیقی ، نقد ، قم ، محمود ، کانون ، امام خمینی ، جنبش ، جشنواره ، خاطرات ، حافظ ، حجاب ، حسنی ، حسن ، تاریخ ، سال ، رستمی ، شیخ ، عکس ، فرهنگی ، فرهنگ ، فضولی ، عید ، عشق ، سیاسی ، رمضان ، زبان ، سلیمانپور ، شاعران ، سوریه ، ترجمه ، تهران ، به ، حاج علی اکرام ، ایرانی ، آمریکا ، وبلاگ ، واحدی ، نویسنده ، مدح ، محفل ، مجلس ، مجتبی ، میرزا ، مرثیه ، مصر ، آمریکا ، آراز ، احمد ، استاندار ، اکرام ، حیدر ، تبریزی ، پیامبر اسلام ، سلبی ناز ، روز ، زندگی ، زینب ، رضوانی ، دو ، داستان ، صراف ، عظیم ، علی یف ، علیزاده ، علمیه ، علمدار ، فتح الهی ، فرانسه ، فلسطین ، فیلم ، شاهرخ ، شجاع ، دو هفته نامه ، دیدار ، رسول ، رجبی ، زلزله ، پیام ، بهمن ، حزب ، جواد ، ادب ، اردوغان ، آذربایجان غربی ، آثار ، مطبوعات ، مشهد ، مهدی موعود ، محمداف ، کانون ، نویسندگان ، هفته نامه ، هنر ، وطن ، ولی ، یاد ، هادی ، نوروزی ، نماز ، قیام ، کرکوک ، محسن ، مثنوی ، ماه ، مایل ، ملی ، آذری ، آزادی ، ارشاد ، از ، اسماعیل زاده ، انگلیس ، اورمیه ، اکرام ، جاوید ، حدیث ، حسینی ، حضرت ، بهرامپور ، بعثت ، روزنامه ، رهبری ، سعدی ، رباعی ، رزم آرای ، دینی ، دانشگاه ، شب ، غدیر ، غفاری ، علامه ، عرب ، عرفان ، فارس ، فرزند ، صمداف ، صادقپور ، صدر ، طلعت ، طلاب ، خوی ، دوزال ، رهبر ، بزرگ ، بیداری ، تبلیغات ، حمایت ، حماسه ، حاجی زاده ، جعفری ، توهین ، امین ، انتخابات ، انجمن ، امام زمان ، الله ، استاد ، اخلاق ، آیت الله خامنه ای ، آران ، آغدام ، آقازاده ، منظومه ، مسلمان ، مراغه ای ، مسئولان ، موعود ، موسی ، ماهر ، محمدی ، هریس ، یادداشتهای ، وفات ، یحیی ، یک ، کردستان ، کربلا ، نوروز ، نمایندگان ، وحید ، مایل اوغلو ، گرمان ، مولانا ، میلاد ، نباتی ، مسجد ، مرگ ، مرسی ، مسئول ، معلم ، آغری ، آذربایجانی ، اسلامگرایان ، اسماعیل ، ارمنستان ، ارمنی ، ارزشها ، اشغال ، باکو 10 ،

آمار و اطلاعات

بازدید امروز :480
بازدید دیروز :846
کل بازدید :2883083
تعداد کل یاداشته ها : 881
103/2/14
2:3 ع

مشخصات مدیروبلاگ

قلیزاده علیار[263]

خبر مایه

بایگانی وبلاگ

مهر 89[6] آبان 89[10] آذر 89[3] دی 89[3] بهمن 89[6] اسفند 89[14] فروردین 90[4] اردیبهشت 90[13] خرداد 90[26] تیر 90[26] مرداد 90[11] شهریور 90[14] مهر 90[17] آبان 90[27] آذر 90[27] دی 90[21] بهمن 90[20] اسفند 90[27] فروردین 91[23] اردیبهشت 91[28] خرداد 91[41] تیر 91[42] مرداد 91[30] شهریور 91[35] مهر 91[31] آبان 91[16] آذر 91[21] دی 91[29] بهمن 91[23] اسفند 91[11] فروردین 92[4] اردیبهشت 92[13] خرداد 92[10] تیر 92[7] مرداد 92[6] شهریور 92[15] مهر 92[12] آبان 92[9] آذر 92[8] دی 92[15] بهمن 92[6] اسفند 92[14] فروردین 93[10] اردیبهشت 93[9] خرداد 93[5] تیر 93[7] مرداد 93[14] شهریور 93[12] مهر 93[8] آبان 93[9] آذر 93[5] دی 93[8] بهمن 93[5] اسفند 93[8] فروردین 94[3] اردیبهشت 94[4] خرداد 94[1] تیر 94[3] مرداد 94[1] شهریور 94[3] بهمن 94[1] اردیبهشت 95[1] تیر 95[1] شهریور 95[3] آبان 95[1] آذر 95[1] اسفند 95[3] بهمن 95[1] فروردین 96[1] مهر 96[2] اردیبهشت 96[1] دی 96[4] اسفند 96[1] بهمن 96[1] خرداد 97[1] مرداد 97[5] شهریور 97[1] مهر 97[2] آبان 97[4] آذر 97[1] دی 97[1] فروردین 98[1] بهمن 97[1]

پیوندهای روزانه

http://pahlavani.persianblog.ir/ [8] افسون زمانه [5] پایگاه خبری استان آذر بایجان غربی [232] قنبر حاجی وند [88] اکبر حمیدی علیار [88] آرشیو پیوند روزانه [5]

لوگوی دوستان

پیوند دوستان

سرچشمه ادب و عرفان : وب ویژه تفسیر ادبی عرفانی قرآن مجید شقایقهای کالپوش بچه مرشد! سکوت ابدی هم نفس ►▌ استان قدس ▌ ◄ نغمه ی عاشقی جریان شناسی سیاسی - محمد علی لیالی سرچشمه همه فضـایـل مهــدی(ع) است ساده دل ماییم ونوای بینوایی.....بسم الله اگرحریف مایی ....افسون زمانه طراوت باران تنهایی......!!!!!! جـــیرفـــت زیـبا سارا احمدی بیصدا ترازسکوت... .: شهر عشق :. پیامنمای جامع شهر صبح ماتاآخرایستاده ایم سایت روستای چشام (Chesham.ir) وبلاگ گروهیِ تَیسیر منطقه آزاد محمدمبین احسانی نیا رازهای موفقیت زندگی مرام و معرفت یامهدی Dark Future امام خمینی(ره)وجوان امروز عشق ارواحنا فداک یا زینب سیاه مشق های میم.صاد مهاجر مردود دهکده کوچک ما گروه اینترنتی جرقه داتکو بسیج دانشجویی دانشکده علوم و فنون قرآن تهران هفته نامه جوانان خسروشهر آتیه سازان اهواز بیخیال همه حتی زندگیم عمو همه چی دان پـنـجـره صل الله علی الباکین علی الحسین تینا شهید آوینی Chamran University Accounting Association پدر خاک فقط خدا از یک انسان ع ش ق:علاقه شدید قلبی تبریک می گوییم شما به ساحل رسیدید!!!!! گاهنامه زیست جوک و خنده دهاتی دکتر علی حاجی ستوده قلب خـــــــــــــــــــــــــــاکی کشکول sindrela شیدائی تنها عاشقانه سیب آریایی نیروی هوایی دلتا ( آشنایی با جنگنده های روز دنیا ) به یاد تو آخوند مالخر و تمام طرفدارانش در سیستم حکومتی فروشگاه من قاضی مالخر یا قاضی طمع کار کدامیک ؟؟؟؟ پایگاه خبری،قرآنی، فرهنگی آذربایجان غربی عاشقانه زنگ تفریح

عناوین یادداشتهای وبلاگ

ملامحمد فضولی از شکسپیر برتر است معتبرترین نسخه متن حیدربابای شهریار مظفر خداوندگار در جمع شاعران آموزگار - نکوداشت، گؤروش 14 تا چه حد می توان به تاریخ منقول اعتماد کرد؟ یادداشت عناوین یادداشتها[881]

گونش بایراقلی سحر - مقاله ترکی

قلیزاده علیار

دنیزنیوز: سون گونلرده - 1391- نجی گونش ایلی نین قیش فصلینده- اردبیل لی تانینمیش شاعر عظیم غلامعلی پور (سحر) ین بیرینجی شعر توپلوسو «شله» باشلیغی آلتیندا تهراندا نشر ائدیلدی. 112 صحیفه دن عبارت شله کتابی رقعی اؤلچوسونده و 1000 نسخه ده، مؤلفین اؤز تشبوثو ایله یاییملاندی. دنیزین رداکسیا عضوو حؤرمتلی شاعر و یازیچی «اکبر حمیدی علیار» بو ده یرلی کتابا قیسا بیر باخیشدا، دقته لاییق فکیرلرینی قید آلمیشدی؛ بورادا او یازینی بیرگه اوخویوروق:

گونش بایراقلی سحر

اکبر حمیدی علیار

ایلک اولاراق یئددی ایل اؤنجه، تهرانین باتی سیندا قورولان حکیم سید ابوالقاسم نباتی ادبی درنه یینده بیله سی ایله تانیش اولدوم، "سحر" تخلّصو ایله شعر یازان عظیم غلامعلی پور هر هفته آردیجیل اولاراق ایللر بویو او انجمنده اشتراک ائده ردی، بیر محله ده ساکن اولوب یول یولداشی اولماغیمیزا گؤره دوستلوغوموز تئز باشلاندی. اوزونده اؤزل بیر حزین لیک، جدّی لیک و آغیر-قابل لیک دالغالانان شاعرین 1341-نجی گونش ایلی دونیایا گؤز آچماسینا باخدیقدا ساچلارینا ائرکن دن دوشموشدو، سونرالار باشا دوشدوم کی دوغما وطنی، بویا-باشا چاتدیغی یوردو، اورتا مکتبی بیتیردیگی شهری و گنجلیگینی دام-دیوارینا، کوچه-باجاسینا، بار-باغچاسینا، ائلینه-دیلینه و داش-تورپاغینا یاپیشدیردیغی اردبیلده، زمانه دن چکدیگی یئرسیز جفالارین تأثیری شاعرده گؤرونمکده دیر.

هرحالدا منیم قصدیمیز شاعر دوستوم «عظیم غلامعلی پور»ون بوی-بوخونونو و خصوصی حیاتینی قلمه آلماق دئییل، آنجاق ادبی حیاتینا گلدیکده، دئمه لی یم کی، او 22 یاشیندان شعر یازماغا باشلایارکن ایندی یه قده ر مختلف یئرلرده مختلف انجمنلرده اشتراک ائدیب، اردبیلده اون ایل متمادی اولاراق "انجمن ادبی آل محمد(ع)ده(مرحوم انورین سوروملولوغو ایلا) اشتراک ائدیب و مرحوم انور باشدا اولماقلا عاصم، ائلچی، حسین بختیاری و .. کیمی قدرتلی شاعرلرله اوتوروب، دوروب، سوروشوب، اؤیره نیب، یازیب، جیریب و آرتیق پیشمیش بیر شاعر کیمی آذربایجان ادبیات دونیاسینا قاتیلیب. او 1374-نجو ایلدن تهرانا کؤچدوکده ادب کروانیندان دالی قالماسین دئیه صابر ادبی انجمنینده( هنری حوزه واختیندان ایندی یه قده ر) حرمتلی ائل اوغلو، هاشم ترلان، ممی زاده و باشقالاری ایله تجربه لرینی بؤلوشوب، حکیم نباتی درنه یی نین رسمی عضوو اولاراق (جناب شبستری نین سوروملولوغو ایلا) بوگونه قده ر بیر چوخ شاعر و ادیب دوستلارلا سیخ علاقه یارادیب و فکرداشلیق ائدیب؛ بو قیسا تانیشلیقدان سونرا سحر جنابلاری نین شعرینه دؤنوروک.

درین مفکوره لر و فلسفی دوشونجه لر عظیم سحرین شعری نین مایاسی و تمل داشی دیر. اونون شعری هربیر اوخوجونو، ایستر ایسته مز، تفکر عالمینه یؤنلدیر و ساده جه اوستوندن کئچدیگی بیرچوخ موضوعلاری دوشونمک مجبوریتینده قویور. اونون دویوم قوّه سینی سیلکه له ییر و اوندا بیر اویانیش حسّی یارادیر.

سحر بیر رئالیست - هومانیست شاعردیر، توپلومسال چاتیشمازلیقلاری، پرابلئملری، حاقسیزلیقلاری ادراکی نین ایتی گؤزو ایله آلقیلایاراق(درک ائده رک) آیدین شکیلده اونا یاناشیر، سؤزونو چیلپاقجاسینا دئییر، اوتانجاقلیغا باج وئرمه ییر، باجاریقلی بیر طبیب کیمی دردلری اوزدن یوخ، دریندن آراشدیریر، سببلری آیدینلاشدیریر و درمانینی دا گؤستریر. گناهی تکجه باشقالاری نین بوینونا سالماییر، اؤزونده نقصان گؤردوکده دیله گتیریر و سوچونو بوینونا آلیر، بیزلری ده گئرچک گؤروب گئرچک دویماغا چاغیریر. من غلامعلی پور سحرین شعریندن چئشیتلی قونولاردا اؤرنک وئرمکله اونون دوشونجه سی نین هیکلینی مختلف بوجاقلاردان گؤسترمک ایسته ییرم:

1- شعر فورماسی: فورما و قالب باخیمیندان بونا باخمایاراق کی سحر اؤز طبعینی و قلمینی بیرچوخ فورمالاردا او جمله دن غزل، قوشما، گرایلی، قصیده و سایره ده سیناییب، آنجاق اونون اساس شعر فورماسی اون بیر هجالی دؤردلوک قالبینده تثبیت اولوب.

2- تأثیر آلدیغی شاعرلر: طبیعی اولاراق هر شاعر کئچمیشلردن باشقا، یاشادیغی دؤورون شاعرلریندن ده تأثیر آلیب اونلارا ایسه تأثیر بوراخیر، منجه سحر جنابلاری اؤز یارادیجیلیغیندا هربیر کسدن آرتیق مرحوم بختیار وهابزاده و رحمتلیک «سهند»دن فایدالی تأثیرلر آلیب و اونلارین سیراسینا داخل اولموش شاعرلردن حساب ائدیلیر.

3- ادبی گؤزللیک لر: سحرین شعرینده گؤزل-گؤزل ترکیبلر، بنزتمه لر و استعاره لر دالغالانماقدادیر. مثال اوچون: بوزولموش یوللار، باغریندا قیوریلیر عشقین آرزوسو، بالتالار آغزیندان تؤکولن اؤلوم، قارانلیق اوولوب یوخا دؤننده و ..

4- مضمونلار و موضوعلار:

عظیم سحرین شعرینده بیرینجی گؤزه چارپان حق و عدالت موضوعسودور، اؤز حاقسیزلیق لارینا و عدالتسیزلیک لرینه حق دؤنو گئیدیرمکله چیرکین عمللرینی یات-باسیر ائله ینلری گؤردوکده شاشقینلیقلا بئله هارای چکیر:

غریبه زاماندیر غریبه زامان

حقلی ده حقلی دیر، حقسیز ده حقلی!

او بعضاً انسانلارا یاراشماز و اسگیکلیک گتیرن عادتلری گؤردوکده اونو بیر پارادایم کیمی قیمتلندیریر و بو یارامازچیلیغا بویون اگمه یی انسانین اؤز یانلیش دوشونجه سی نین سونوجو قئید ائدیر. باشقاجور دئسک سببی دیشاریدا یوخ ایچریده گؤرور:

یوخ.. بو بیزیم اوچون بؤیوک آلچاقلیق

یارامازچیلیق دیر، درددیر، ذلّت دیر

سانکی بیلمه لی ییک بو حقیقته

بیزیم دوشونجه میز بؤیوک علّت دیر.

شاعر ملّتین طرفیندن عدالته دوغرو آتیلان آددیملاری، مختلف تاریخی زامان کسیکلرینده ظلمه قارشی تؤره نن انقلابلاری و حرکتلری، نمونه اولاراق مشروطه انقلابی حرکاتینی دیه رلندیره رک، اونون اوزاق گؤرنلیگی و سیاستی اولماماغیندان اوغورسوزلوغونو قیناییر:

گئجه لر باغریندان مین یول سالساقدا

سحره چاتارکن گئری دؤنموشوک.

آنجاق اومسوقلوغا(اومودسوزلوغا)دا جان وئرمه ییر و انسانلاری منطیقه، عقله و علمه دایاناراق حقیقی و کؤکلو بیر قایناقدان یارارلانیب شن حیات سورمه یه چالیشماغا چاغیریر:

باهارین نفسین ایچیب دویونجا

سویوقدان، شاختادان باج آلماق گرک

چلنگ-چلنگ ایستی گتیرمک اوچون

گونشین بوینوندان آسیلماق گرک.

سحر جنابلاری اؤزو بیر اجتماعی انسان اولوب مختلف طبقه لرله قاریشیب، معیشت طرزلرینی گؤردوکده یاشاییشین شیرین-آجی اولایلارینی یاخیندان حسّ ائدیر و توپلومدا باش وئرن اخلاقسیزلیقلاری، یاتمیش وجدانلاری اویاتماق مقصدی ایله، آچیق-آیدین دیله گتیریر. اؤرنک اولاراق او "پاپروس ساتان آرواد" شعرینده یازیر:

بلکه ده پاپیروس بهانه ایدی

شرفین، ناموسون، عارین ساتیردی!

و قادین حقلری نین تاپدالانماسی قارشینی آلماق اوچون او، کیشیلره:

اؤز گؤردوکلریزدن آروادلارینیز

گؤرسه لر هایاندا بند اولار ایشلر؟

سورغوسو ایلا مراجعت ائدیر.

بوتون زمینلرده ایره لی له ییشین اؤنملی ائتگنلریندن(عامل لریندن) بیری کئچمیشله گله جک آراسیندا اویغون بیر ایلگی یاراتماق دیر. باشقا معناده، گله جه یی کئچمیشه قوربان وئرمه مک و کئچمیشی گله جه یه گؤره گؤرمه دیم توتماماق، کئچمیش تجربه لری ایسه اونوتماماقدیر. بو قونودا شاعرین گؤستریشلری ماراقلی دیر. او بیر طرفدن کئچمیشده قالانلاری فکرین اؤزونده و افاده طرزینده یئنیلیک گتیرمگه و چاغداشلاشماق اوزره آددیم آتماغا چاغیرارکن:

تزه لیک یاراتماق گرکدیر بیزه

فکرلر آخماسا یقین اییله نر

بوغولوب قالمیشیق کئچمیشیمیزده

یاز، اؤز عصریمیزی یاراتمالی ییق

کئچن عصرلری یارادیبدیلار.

دئییر و باشقا طرفدن کئچمیشین معنوی دیه رلرینی ایتیرنلره و اؤز کیملیگینه یاراشماز یارامازلیقلارا بولاشانلارا و کئچیجی و موقّتی منفعتلره آلدانیب اؤزلویونو دانیب آتانلارا:

بیر آنلیق صاباحی تامسینماق اوچون

دونندن آیریلیب دانیریق اونو

بوگون دوننلرین دوشونمییه نلر

نئجه صاباحلارین نغمه سسی دیر؟

دئیه، اونلارا قارشی اولان نفرتینی بیلدیریر. او هابئله اؤلکه ده باش وئرن یابانجی کولتورون حقسیز یوروشونو و آتا-بابادان بیزه میراث قالان اولو مدنیّتیمیزین باسقین ائدیلمه سینی گؤردوکده اؤز اورک سازینی بو ایفاده لرله سیزلادیر:

سئوینجلر، نشئه لر بیگانه لشیب

حرارت بخش ائدن اوجاقلار سؤنوب.

قالین بوزلار اوچون غنیم اوجاقلار

ایندی بارماقلارین، اللرین هوولار!

سحرین شعرینده باشقا قاباریق موضوعلاردان و اونون اینجه روحونو اینجیدن مسئله لردن بیری ده اؤزو دئمیشکن "طالعی صنعتدن گوجلو اولانلار"ین باشدا اوتورماقلاری و ادبیاتدان اؤزلرینه نردیوان قوروب چؤرک آغاجی قاییران ساتقینلارین داورانیشلاری دیر:

یاغلی چؤرکلره آلدانان چوخدور

یانسین کوله دؤنسون ساتقین عمللر .

اینانین درد بیزیم ایچیمیزده دیر

نه ایله اؤلچمه لی بو ساتقینلیغی؟!

او بو اعتراضلا یاناشی شاعرین رسالتینی و آغیر سوروملولوغونو بو سایاق وورغولاییر:

داردان دا آسیلسان، باشین دا گئتسه

گونشه چاتماغا حریّتدن یاز.

او شاعرلیک وظیفه سیندن آسیلی اولاراق اعتراض بارماغینی تکجه صنعتکارلار و ملّته یوخ بلکه حاکمیّتده اولان قوّه لره ده توشلاییر. بوتون اؤلکه ده بیرلیک قایغیسی چکره ک بعضی یانلیش و ناراضیلیق تؤره دن سیاستلره بئله اشارت ائدیر:

دونن زنگان اوچون قورقو قورانلار

بوگون ساوالاندان دیوار چکدیلر

محبت یئرینه، سئوینج یئرینه

بوتون اورکلرده نفرت اکدیلر.

یوخاریدا گلنلردن باشقا، سحرین شعرینده بیرچوخ اؤنملی موضوعلار او جمله دن آتا-آنا سئوگیسی، صلح سئورلیک، وطن پرورلیک، صمیمیلیک، سینیرسیزلیق و گلوباللیق حسلرینین ده شاهدی اولوروق. من بونلارین نئجه دئیه رلر هامیسینا بیر سئلمه وورور و آشاغیداکی نمونه لرله سؤزومه سون قویور، سیز عزیز اوخوجولاری عظیم سحرین کؤکسوندن آخان ایشیغین جیغیرلارینا بوراخیرام:

محبّتین سون ذیروه سی آنا قلبی، آنا سسی.

***

ادب باغچاسی نین سون ذیروه سینده

نیزه لر یئرینه قلم یونموشوق.

***

یاشا آذربایجان یاشا وطنیم

گونش بایراقلی دیر سنین سحرین.

***

بانکالار ایچیندن باهار نغمه سین

اوخویور شنلیکله بالیقلار بوگون.

91/11/27::: 11:51 ع

اولین دیدگاه را شما بگذارید

آذربایجان ، شعر ، کتاب ، ترکی ، حمیدی ، اکبر ، علیار ، عظیم ، غلامعلی پور ، سحر ، شله ،

امت محمد قرآنی آلدی - شعر

قلیزاده علیار

امت محمد قرآنی آلدی

شاعر: علی رشتبر

دوغودان باش آچدی شفق لی گونش

هر یانی بورودو،دونیانی آلدی

قیرمیزی بویاغدا ،عنبر قوخودا

اول کانی کرم ده ن امضانی آلدی

یاغی لار قارشیندا دایاندی ازه ل

حربی یولو اوزه ل دویوشو اؤزه ل

چاققال لار قووولدو اولدولار خزه ل

حریت نغمه سی هر یانی آلدی

چالیندی دهل لار سوسدی شئیپورلار

عدالت اؤلچوده یازیلدی عیار

اهل کؤنول گلدی قوولدو اغیار

«جاءالحقین»سسی دئورانی آلدی

اون دؤرد عصیر کئچدی سؤکدی قفسی

زیروه لره قالخدی «علی»نین سسی

اؤزگوی یاشاماغین سوسموش نفسی

جان آلدی یئنی ده ن «ایران»ی آلدی

اسلامین عَلَمی اوجالدی یئنه

حایات بخش اولوندو شرف لی دینه

کؤنول لر بزه ندی «چهل یاسین»ه

امتی محمد قرآنی آلدی

بیر قارینج تورپاغین وئرمه دی یادا

کانسره چئوریلدی ظولمه دونیادا

ترقی کسب ائتدی اؤزگور هاوادا

اوزایلار سئیرینه امکانی آلدی

الهی بیر رهبر اولوبدی اؤنده ر

آردینی بو یولون مهدی یه (عج) وئره ر

قیسمت اولسا «قاییب»اوگونو گؤره ر

تانری سیندان بلکه او آنی آلدی.

منبع: سایت دنیزنیوز www.daniznews.ir

91/11/18::: 12:59 ص

اولین دیدگاه را شما بگذارید

شعر ، علی ، قرآن ، ترکی ، سایت ، مهدی ، محمد ، دنیزنیوز ، رشتبر ، امت ،

شعر و شاعر - ولی قاراخان

قلیزاده علیار

شعر و شاعر

ولی قاراخان – نخجوان

«قاراخان» تخلصی ایله تانینان نخجوانلی شاعر ولی ولی یِف 1955 – جی ایلده نخجوان مختار جمهوریتی نین بابک رایونوندا یئرله شن قاراچوغ کندینده آنادان اولموش، 1981 ده دیل و ادبیات فاکولته (دانشکده) سینی بیتیریب، معلم لیک له اؤز ملتینه خدمت ائدیبدیر. او 1996 – جی ایلده نخجواندا تشکیل ائدیلن اهل بیت شعر مجلسی نین بیرینجی عضوو اولموشدور. ولی معلم دن ایندیه دک - ایران و آذربایجان دؤور مطبوعاتیندا شعرلری نشر اولماقدان علاوه - ایکی شعر کتابی چاپ ائدیلیبدیر:

1- یانیر یئر کوره سی آنا ناله سیندن

2- الهی حفظ ائیله سن بو ملتی

بوندان اول ( 26/9/91) ولی معلم دن ایکی شعر ( «کربلاده» باشلیغی آلتیندا)بو وبلاگدا و همچنین دنیزنیوز سایتیندا ( www.daniznews.ir ) گتیرمیشیک. بورادا اونون مارش آدلی شعرینی اوخویوروق:

مارش

هامیمیز ایگید، هامیمیز اریک

وطنه صادق، مرد عسگرلریک

هایدی دؤیوشه اوغورلار اولسون

میدان بدنله، باشلارلا دولسون

غضبیم بولود، نفرتیم شیمشک

گؤتور سلاحی، گئدک دؤیوشک

انتظار چکیر شوشا کلبجر

یانیب کول اولار، گئتمه سک اگر

انتقام دئییر معصوم خوجالی

سینه مدن توستو، آهلار اوجالیر

قلبیم سوسایب، قان ایسته ییر، قان

حساب گونوندور، گون آذربایجان!

منبع: دنیز هفته نامه سی، 27 نؤمره - نشر تاریخی 18/10/91 - اورمیا

91/10/19::: 8:59 ع

نظر()

شعر ، انجمن ، ادبی ، اهل بیت ، ترکی ، شاعر ، نخجوان ، ولی ، دنیز ، هفته نامه ، ولی یف ، مارش ، اورمیا ،

انتظار- شعر ترکی

قلیزاده علیار

انتظار

ویدا کبیری

ایچیمده سورونن صبرسیرلیک، یارا

من، دان اولدوزو، بیر قارانلیق گئجه ده.

گونش تامارزیسی

ایللردی گؤزوم یول آلیب

دؤشه نیب هر جمعه ندبه لر آیاغینا

یول یورغونویام، آقا.

سن سیز، یولچیلارا بنزه ییرم

هی... گؤروش حسرتینده

کؤنول قان اولور

بو یوللارین، دردین آلیر

بئله،

عدالتین گؤزو ده، سندن آسیلی قالیب

ای شعریمین، قول - قانادی

منی قویما حسرتینه، سورونوم

جمعه لرین گؤزونده.

گل، گل داها دؤزوم یوخ اؤزومده

گل، ... گلمه سن، یول آلیب اؤزوم گلره م.

91/10/18::: 11:20 ص

اولین دیدگاه را شما بگذارید

انتظار ، شعر ، ترکی ، ویدا ، کبیری ،

کئچدی - شعر

قلیزاده علیار

گای کئچدی

اکبر حمیدی علیار

گلدی دئپرم، گونوموز گونبه-گون آخ-وای کئچدی

چئورهمیزدن دلیسوو هوی کئچدی، های کئچدی

بیرینین آرزیسی قویلاندی قارا تورپاقدا

بیرینینسه امهیی اولدو بوتون زای کئچدی

بیری چیرپیندی، دؤیوندو آناوای سؤیلرکن

بیری اؤز کؤرپهسینه اوخشادی لایلای کئچدی

بیری چیخدی دئدی هئچ قورخمایین، ایشلر دوزهلر

اوبیری سؤیلهدی خوش گونلرینیز دای کئچدی..

بیری یئردن گلیبن باخدی دا جان یاندیردی

بیری گؤیدن بیز اوچون ائیلهدی بایبای کئچدی

جوربه-جور نیّتایله تاپدالانان یوللاردان

هم دلی، همده عاغیللی، همی ده خای کئچدی

اؤلکهنین هر طرفیندن گلهلی یاردیملار

بئشینه چاتماسا دا دؤردونه پای-پای کئچدی

موشگولو چؤزمک اوچون، کللهلرین یوردوندا

بوللو-بوللو جلسه اولدو، قورولتای کئچدی

دئدیلر بیر آیا ائولر تیکیلیر، غم چکمین

ائو تیکیلمیبسه نه وار کی، هله دؤرد آی کئچدی!

هله قیش، شاختا، بوران، سرت شپهلر کئچمهسه ده

تیتره تیر-تیر چادیر ایچره بئله وارسای*، کئچدی!

بوردان «علیار» کئچر اولسان گؤزونو یوم سن ده

قوی دئسینلر نه قشهح(قشنگ) گای گلدی گای کئچدی!..

24/9/91

* وارسای : فرض ائله

منبع: وبلاگ اکبر حمیدی علیار

91/9/26::: 11:5 ع

نظر()

شعر ، ترکی ، حمیدی ، اکبر ، علیار ، زلزله ، کئچدی ،

< 1 2 3 4 5 >> >